唔露都好Sexy！林志玲胸前自拍惹遐想

台灣女神林志玲雖然年屆42歲，不過佢有樣有身材，一樣深受宅男們喜愛！呢日女神收起33C誘人「胸」器，改着一件單肩珠片晚裝出席活動。之後佢仲喺微博晒出自拍照同大家開心Share，並留言分享美魔女嘅人生觀：「重拾浪漫，從頭開始；重拾熱情，從頭開始；重拾夢想，從頭開始；重拾愛好，從頭開始；勇敢『從頭開始』，讓人生『不白活』！今天在廣卅（州）參與了ㄧ個正能量滿滿的活動。thank you！」

相中林志玲用頭髮遮住個香肩，畫面雖然幾乎冇乜肉可以見到，不過就有網友嗌晒「救命」，事關女神竟將鏡頭放喺胸前嚟個低炒自拍，變相地將個巨咪無限放大再放大……WOW～有時行性感唔一定要靠露肉嘅，輕輕Tune吓相機鏡頭一樣有效果，o拿！志玲姐姐呢啲咪叫高招囉！