【恭喜晒】42歲楊采妮早產誕孖仔

42歲嘅一代「玉女掌門人」楊采妮（Charlie）今年年頭宣布懷孕5個月，佢時不時都會喺社交網站更新動向，不過就冇講肚入面嘅BB係仔定女！不過今日Charlie喺微博公布喜訊，據知佢同好姊妹李心潔一樣，啱啱生咗一對孖仔，佢上載有兩張藍色被仔嘅BB床，並留言：「親愛的小寶貝們，謝謝你們，到我們的生命裏來，讓我們對愛多了另一種新體悟。爸爸媽媽一直是懷著（着）感恩的心來迎接你們，我們承諾會用心愛著（着）你們，亦希望你們能在充滿愛和感恩之下，健康平安地成長，擁有自己幸福的人生。在此要感謝協助我們迎接這兩位小寶貝的醫生和護士們、一直關心問候我們的朋友、您們的祝福和心意我們都非常珍惜，謝謝您們。」

個幾月前開刀誕子

東網聯絡Charlie，原來佢喺一個月多前開刀誕下一對孖仔，分別係哥哥Ignatius與弟弟Aloysius。佢透過經理人分享做媽媽嘅喜悅，講到第一眼見到孖仔嘅心情，佢表示：「這兩個小生命從我肚子出來，太神奇又感動！」Charlie又指一對B仔一個像媽媽，一個像爸爸。有指一對孖仔早產一個月，其經理人承認此事。

至於孖B嘅契媽許茹芸得知楊采妮報喜後，即喺微博送上祝福：「恭喜親愛的　乾媽們非常的開心！寶貝們平安長大，辛苦媽咪了…乾媽很快要去見本人　好好抱抱辛苦的媽咪」

至於另一位好姊妹李心潔也有喺微博送上祝福：「哎喲哎喲！兩個可愛的小天使降臨啦！乾媽們要飛奔去抱你們，親你們啦！雙胞胎媽媽很不容易，親愛的，加油加油再加油！小黃花的下一代越來越熱鬧了！」