魅力沒法擋　霆鋒畀空姐瘋狂集郵

男神謝霆鋒日前去咗峇里出席「East meets West」嘅晚宴 。去出席晚宴之餘，霆鋒仲順便享受陽光與海灘。而今日霆鋒就喺峇里返香港，雖然佢戴住太陽眼鏡好低調，但係佢都掩飾唔到佢嘅身份。負責該航嘅班空姐亦都唔執輸，個個都排住隊去同霆鋒合照，心情大好嘅霆鋒完全來者不拒，要合照有合照。同一班空姐合照完之後，就到咗佢嘅休息時間，相中可以見到霆鋒戴住咗個好可愛嘅眼罩，雖然佢平時好霸氣，不過都有可愛嘅一面。而巧遇霆鋒嘅網民仲大讚佢好靚仔，好親民！霆鋒果然去到邊都大受歡迎。