出浴戲拍足2日　胡定欣當去日本浸溫泉

藝人胡定欣現身電視城為無綫劇集《宮心計2深宮計》開工，提到早前與馬浚偉拍攝一場鴛鴦出浴戲，她說：「拍咗兩日呀，不過我暫時未有假放，就當自己去咗日本浸溫泉，都拍得好開心嘅！我哋話嗰個池就矜貴囉，周秀娜、劉心悠同黃心穎都浸過喎！不過我拍嗰陣外面落雨，有啲凍，同埋我哋浸完，水溫又會降低，工作人員要整番熱啲水畀我哋浸，我哋笑：『咁咪即係『叮』番熱佢囉，哈哈哈！』」