楊千嬅大條道理屈余文樂請食飯

藝人楊千嬅到金鐘為電影《春嬌救志明》謝票，她表示今日電影首日上畫，與導演彭浩翔、邵音音及陳逸寧等兵分四隊到全港各大戲院謝票，自己要一晚跑足九個影院，對於男主角余文樂因拍戲未能參與謝票，千嬅笑言要屈對方請食飯：「上集我大肚去唔到宣傳，佢話幫我頂得好辛苦，今次我諗一個禮拜都還突畀佢，佢一定要攞佢嗰份出嚟請食飯啦！」

偷聽觀眾反應

講到謝票與觀眾互動，千嬅表示最開心是出場前偷聽他們的反應：「喺後面聽到佢哋笑，都係我哋預期嘅笑位，好high好開心！（觀眾有冇問你咩？）冇乜呀！嗰個開心到呆晒，未消化到。」截至晚上九時，電影票房有150萬港元，千嬅表示非常滿足：「好多人都好期待，係煲咗好耐嘅氣氛，大家嘅情意結，多謝。」

千嬅即場送出電影原聲大碟，她表示大碟只用了四個星期時間籌備，覺得跟公司做了一件很癲的事，並多謝黃偉文為她填了一首歌詞，而她亦與拍檔陳逸寧、林兆霞組隊MKB48翻唱了一曲《傳說》，笑言要再報名角逐新人組合獎：「唔知可唔可以再做新人，我哋三個加埋過百歲，新人但係人瑞嘅年齡。（真係會角逐？）如果真係得嘅話，我一定去，畀個仔知我幾犀利。」

邀余文樂攞番支咪

千嬅表示邀請了樂仔在原聲大碟裏唱了幾句《當我想起你》，笑言自己得寸進尺：「你知佢幾忙幾難撬開佢把口，但冇理由搵第二個唱，於是我邀請佢，佢又肯唱，跟住叫佢拍埋MV，佢又肯喎！（最近你哋上大陸節目唱歌，網民話樂仔唱得好聽叫佢出碟！）你快啲話佢知啦！我移動唔到佢架！要佢經理人幫手。」

現場觀眾見到千嬅突然現身都非常驚喜，千嬅訪問了幾個觀眾，問他們有關電影內容的問題，有觀眾笑言最喜歡是最後一幕，千嬅即笑說：「咁之前120分鐘呢？真係白做！」又叫答錯問題的觀眾要多睇一次電影。

----------------

東網已全面支援360影片及相片，讓你全方位睇盡新聞大事，恍如置身現場，立即登入東網360網頁： http://on.cc/360/

如仍未更新東網App，請按此連結收睇360影片：

https://goo.gl/y9qmts