藝人陳美齡（Agnes）於中環出席新書分享會，身為美國史丹福大學教育學博士的她，透露花費約十個月時間籌備今次的雙語版新書。問她對新書銷量有否信心？Agnes明言主要想引起社會討論：「呢本學術性啲，希望教育界多啲睇，睇完之後討論，引起社會討論，快啲改革。」

Agnes又言出書一事獲兒子們支持及恭喜：「仔仔都高興，知我研究緊，見我出書就恭喜我。（仔仔畀意見你？）冇乜，香港教育制度壓力大，我話佢算好命。明明香港學生好勤力，家長又熱心。」講到近年發生不少學生因為就學壓力而出現的悲慘個案？Agnes說：「一定要有希望，讀書唔係為考試，係為快樂人生！唔好淨係考試為主，唔好揀最叻而排去最弱，每個學生都有機會成材。」