曾國猷梁芷珮繼續合拍放笑陣

曾志偉細仔曾國猷（Mark）早前同好友梁芷珮（Christy）玩Carpool Karaoke（車上唱K），大受網民歡迎。

今次Mark同Christy更由社交網殺入電視界，為無綫拍攝旅遊節目《超級台灣任務》，Mark會繼續發揮搞笑本笑，仲會換上多個特別造型現身，Christy就大讚拍檔：「猷猷好搞笑，每集都會唔同造班，又會着晒緊身衫，香港同台灣嘅拍攝團隊都畀佢笑親！每集都有特別嘉賓畀任務我哋去完成，好似任達華、曾志偉同關楚耀咁。」Christy仲會比堅尼上陣，睇番啲花絮，Mark嘅緊身衫造型仲疑似激凸，同日前疑似曾志偉飲醉酒跳舞入面嗰位男士嘅身形有得揮呀！