懶理網友喪插！何雁詩風騷直播晒唱功

藝人何雁詩勇敢承認與歌手鄭俊弘拍拖，雖然受盡外界評擊，但所謂時間可以沖淡一切，何雁詩心情似乎開朗番，呢日仲孖住好友陳瀅同劉佩玥喺社交網玩直播，三個女仔直播乜嘢先最多人睇？我估大家都明白嘅，梗係透過世界語言「音樂」去同大家交流溝通啦。

直播一開始，何雁詩率先亮相直播自彈自唱，又彈結他、又彈鋼琴，真係周身刀張張利好有才華，玩得相當投入搵到快樂泉源咁。未幾陳瀅抱住狗仔入鏡，之後再由劉佩玥交替亮相，之後三個女仔一個琴聚首一堂，何雁詩同劉佩玥仲玩依家好興既「陳瀅」萬能Key，將陳瀅個名亂入不同歌曲的歌詞入面，真係好搞笑。儘管直播其間好多網民都留言，對何雁詩同鄭俊弘既一段情作出評擊和攻擊，但佢都處之泰然無影響心情繼續唱，憑住音樂忘卻一切，樂在其中。