《星戰》Oscar Isaac做老竇　女友雙喜臨門

《星球大戰：原力覺醒》（Star Wars: The Force Awakens）飾演型仔機師的男星Oscar Isaac近日榮升人父，現年38歲的他與35歲的導演女友Elvira Lind誕下首個愛情結晶品！

二人未有發聲明公布喜訊，消息來自Elvira執導的紀錄片《Bobbi Jene》本周五於Tribeca電影節獲得三個獎項包括最佳紀錄片獎時，未有現身的Elvira拍片多謝大會，影片中佢抱住初生B仔講感言，母愛滿瀉！社交網事後有人轉載影片，Elvira感謝大會評審之外，仲話如果可以，佢會開心到跳舞或者跳足成個星期，又話呢個星期真係開心到難以言喻，似乎B仔都係本周出生！

此外，31歲女歌手Ciara今日亦於社交網上載海邊留影照，宣布昨日已為老公羅素威爾遜（Russell Wilson）誕下7磅13安士愛女Sienna Princess。