歷史性時刻！竇靖童高調晒竇唯父女合照

天后王菲同內地音樂才子竇唯嘅愛女竇靖童（童童），近年專注個人音樂事業上，集阿媽把靚聲加老竇嘅音樂才華於一身，早前仲踩入王菲嘅演唱會做和音，賺埋實戰舞台經驗。

自王菲同竇唯離異後，童童大部分時間都係跟住阿媽，有時都會見吓同父異母妹妹竇家媛，不過其實童童同竇唯都有見面㗎，今日凌晨童童仲大晒同竇唯嘅神秘合照㖭。

點解咁神秘？咪就係因為張相望落唔似係兩個人嘅新相，正當大地回春之際，見佢哋着住厚褸，又戴帽又毛毛咁，不過最神秘嘅係童童唔知點解張轉咗張相嘅Background，明顯Key咗二人落一個橙色Background度，又加上「K.O.」同一條龍，真係令人摸黑頭腦。不過點都好喇，呢張難得一見「雙竇圖」真係好有收藏價值！