曉明囝囝百日宴　小海綿仲未有樣睇！

藝人Angelababy（楊穎）就喺今年1月為內地男星黃曉明誕下囝囝「小海綿」後，一家三口幸福滿瀉。不過唔經唔覺「小海綿」已經出世100日喇，愛錫囝囝嘅曉明當然要為囝囝搞咗個百日宴派對啦！

曉明今日透過工作室同網友分享咗幾張百日宴派對相，留言話：「100天好快就過去了！」相中就見到場地布滿汽球，有二個非常精緻嘅蛋糕，其中一個係一個3D立體蛋糕，蛋糕寫住曉明囝囝個名「小海綿」，同埋有一個小朋友公仔瞓喺蛋糕上面，好可愛呀！另一個就係「海綿寶寶」蛋糕，相當有心思。網友亦紛紛送上祝福，有啲網友就留言話想睇曉明一家三口嘅合照，唔知曉明會唔會甫畀網民睇吓呢？