未出世B仔腳頭好！林盛斌密密吸金

藝人林盛斌（Bob）為荷里活動畫片配音，上映至今票房貼近4000萬港元，即將衝破該電影公司出品的動畫電影，在港創下的歴史票房紀錄！被指為「運財童子」的Bob今午現身戲院謝票，大受小朋友歡迎，他更即場大派禮物，可謂皆大歡喜。

人逢喜事精神爽

太太懷上男胎的Bob坦言覺得BB腳頭好：「呢排人逢喜事精神爽，好多嘢都順利，我自己接咗1、2個代言家庭用品廣告，自己公司又傾到大生意，希望keep住呢股氣勢落去。呢排我去街都發現多咗小朋友叫我，睇嚟已打開小朋友市場嘞。」

雖然收入不錯，但Bob冇意換大屋：「可能等佢出咗世後會有少少裝修。3個家姐之前用嘅嘢送咗畀人，會喺朋友度攞番嚟用，仲睇吓大家有冇啲用過但好潮嘅服裝啱我個仔，叫佢哋送畀我。呢啲嘢冇所謂，開心share嘛。」

可能去美國玩

談到早前承諾暑假整家出埠旅行，如今食言，Bob謂：「可能會送大家姐同二家姐去美國玩，因為我太太親戚喺嗰邊，有人照顧佢哋。（大家姐心情平復番？）過咗兩日就冇事啦，佢仲同我太太講，要同肚裏面細佬傾偈添。