狄波拉中環歎茶　叫宋祖德屎咪亂試

宋祖德日前大爆謝霆鋒與王菲已分手，更揚言如有虛假會食狗屎，其後霆鋒上載其餅店的宣傳相片反擊，力證與王菲感情穩定。而謝霆鋒母親狄波拉（拉姑），下午約五時，與好友陳淑芬於中環歎茶，離開時被問霆鋒與王菲分手一事，她只說：「唔好亂問啦。」提及宋祖德指如有虛假會食屎，拉姑聞言即哈哈大笑說：「唔好試啦，呢啲嘢，哈哈哈，不過我都未睇過。（係咪好想睇？）大家想點都好啦，今日假期，大家快樂啦。」