李嘉鬧爆徐曉冬係小丑：功夫係乜都唔知

無綫「功夫狂人」李嘉日前在社交網站向格鬥狂人徐曉冬下戰書約戰，對於徐曉冬繼續口出狂言，再度以娛樂圈中人士炒作話題，批評成龍與甄子丹等，李嘉表示：「睇出佢係炒作，最嬲係佢用一項美國主導嘅野蠻運動去攻擊中國武術，功夫係有好深嘅哲學，特別係佢講到李小龍，簡直係文化上嘅攻擊！武術係有唔同方式，有套拳、有養生技擊、軍事應用同影視武打，係有唔同領域同投巧，佢或者連功夫係乜都唔知，好似小丑咁無知！」

問李嘉會否主動向對方邀戰？他表示：「呢個交番畀佢決定，因為我最不齒佢周圍撩人打交，好似一個小丑，中國武術係要向自己挑戰，而唔係好似佢咁打嘴炮，只要佢答應，我係可以即時出發去應戰。」今次李嘉主動下戰書約戰，問他有否接受戰書應戰的經驗？他說：「交流切磋一定有，都係試手，十幾歲仲係藝訓班時，同鄭俊弘試過放學去空手道場，放低100蚊試堂費交流再對打，先係同佢哋一齊操練，再由黃帶打到黑帶。」李嘉又表示曾應電視節目邀請，到少林寺同時對戰四位武僧，亦挑戰過武當外藉弟子：「係法國人嚟，都幾好打。」