作情詩冧周慧敏　張敏解畫：嗰晚諗起佢

女星張敏多年前轉到內地發展後已甚少露面，近期高調表示將會復出，即引起外界關注。佢日前透過微博上載自己同玉女掌門人周慧敏嘅相片，仲寫咗首情詩比對方，立即引起大家揣測佢哋嘅關係有多好。東網聯絡上喺內地嘅張敏，佢話：「因為我哋細細過時已經拍戲合作，我哋之間係好純潔嘅友誼，唔係外界咁嘅形容。只不過係嗰晚我諗起佢，所以就寫咗首詩畀佢，就係咁簡單。」