憶轉型路　楊千嬅最感謝馬偉豪

歌手楊千嬅近日為主演的電影四出宣傳，她日前接受電台訪問坦言由歌壇轉攻影壇，當中經歷不少挫敗及捱批，幸好咬緊牙關最終在2012年憑《春嬌與志明》首奪金像影后，千嬅過去多年接拍不少電影，有《烈火青春》、《玉女添丁》及《新紮師妹》，千嬅說：「由一個歌手轉型做電影，有緣遇到導演馬偉豪，佢懂得將我喺音樂裏嘅形象轉化為方麗娟（戲中角色名），創造一個立體電影角色。」

千嬅坦言電影路不是外間看似的順風順水，她說：「唔覺得自己由歌手轉做演員路順利，因為過程我經歷過好多挫敗，而且要說服觀眾我係一個演員已經花咗好大氣力，尤其係當觀眾已經對楊千嬅有一個既定印象，即使電影未上映，觀眾都會有不同嘅批評。」對於屢傳她「借運」，千嬅沒好氣說：「只要你肯堅持，好多事都係無聲勝有聲，唔需要太多解釋。」並表示照顧家人及仔仔是她首要工作，盡可能親力親為接送仔仔返學放學。