玩胸襲！何遠東借種畀張惠雅生B

藝人何遠東與張惠雅（Regen）現身同志舞台劇《借種消愁》探班，並帶同牛鞭及鮮花送給兩位主角林耀聲及鄧智堅，貪玩的Regen更於拍照期間突襲東東胸部，場面惹笑。

Regen接受訪問時透露有與東東談及舞台劇內容的借種生仔問題，她謂：「我都單身咗兩年幾，都想結婚生仔，讀中醫嘅我好想幫自己把到喜脈添。」在旁的東東笑指不介意捐精：「I'm Ready，其實你都符合我擇偶條件，矮過我同瘦過我，我又鍾意打理家頭細務。」

談到早前舊拍檔張紋嘉舉行音樂會，兩位昔日拍檔Regen與Winkie也沒有現身，再次惹來不和之說，對此Regen謂：「當日Winkie內地做嘢，我排緊粵曲，知道大家想搞個10周年紀念演唱會，其實都要睇時間同緣分，咁大家都仲有聯絡，同埋呢排開工喺廠度都有聽到東東佢哋唱HotCha以前嘅歌，個信心即刻大咗，原來真係有人聽我哋嘅歌，係有粉絲㗎！」