2個去3個返？羅仲謙楊怡度蜜月勁Sweet

藝人楊怡同羅仲謙上年10月擺完婚宴，眨吓眼都已經超過半年，大家最關心嘅當然係羅生羅太幾時做爸爸媽媽啦，不過兩位暫時就未有好消息公布，直至近日佢兩個先有時間去度蜜月，唔知佢哋會唔會順道喺當地造人呢？

阿怡今日就喺微博上載同謙仔去度蜜月嘅相，見到當地陽光與海灘，感覺好relax，真係啱晒造人！見佢兩個仲好Sweet咁背靠背挨住影相，阿怡仲好開心留言話：「旅途愉快@羅仲謙」，仲標籤住「#beautiful Life##Happy moments#」，睇得出兩公婆玩得好開心，分分鐘兩個去三個返呀！