孖住翁子光放閃　何佩瑜失眠就睇小丸子

藝人何佩瑜（Jeana）與導演男友翁子光拍拖以來少有以情侶姿態公開現身，今晚他們手拖手出席《櫻桃小丸子30周年紀念特別劇場版》首映兼生日會，Jeana自言由細看到大，更謂是失眠最佳良藥：「就算唔睇畫面，聽住聲我就好易瞓得着！」談到可有簽約新公司，她坦言仍在考慮中：「同內地嗰邊有傾，自己今年28歲係關鍵嘅時候，嚟緊嘅合作好緊要。大家要一條心，目標要一致先容易達到。（男友有冇畀意見？）有。（要咩條件先考慮？）始終我係內地人，有時想返去嗰邊發展。」

Jeana笑言煩惱到「成頭問號」，記者叫她索性與男友簽約，她回應：「我冇諗過做副導演，連拍段video都唔得，都係做番自己擅長嘅嘢。（擅長做咩？）其實好鍾意拍內心戲，但香港機會唔多，男仔機會多啲。」提到男友的作品有不少內心戲，叫對方為她度身訂造角色時，Jeana說：「唔好，佢好專業。（因太熟？）我冇乜嘢，有時睇緣份。（怕工作影響感情？）唔會，我哋通常傾工作。」問到何時與男友拉埋天窗時？她表示數年後：「咁大個人喺度問佢啦！我唔急。」