避談感情事!唐詩詠提洪永城即轉話題

20170509
東網電視
更多新聞短片
唐詩詠在宣傳期間避談男友洪永城(圓圖)。
藝人唐詩詠、王浩信、宣萱、高海寧、鄧佩儀、黎諾懿、譚凱琪及白雲等到中環鬧市宣傳劇集《不懂撒嬌的女人》,吸引大批上班族及龍友包圍,場面超擠擁,藝人到場及離開時都要由保安護送。
認「香港之光」
劇集昨日播到詩詠及浩信到達台南,開始見識台妹撒嬌的厲害,詩詠亦開始學習撒嬌,她說:「之後我同浩信開始發展感情線,發覺男士唔一定喜愛女仔撒嬌,但之後個台灣女仔返嚟,我哋會再有個比拼,其實中尾段係想寫港女未必咁嬌嗲,但份關心係用行動證明,例如陪男友捱麵包同供樓,大家唔同性格,我就撐香港女仔。(撒嬌要講疊字係咪好難?)好難呀!又要高音啲,又有疊字,好似肚餓餓,一句說話要諗邊個字疊字係有啲難度,台灣女仔就覺得好容易。」問到男友洪永城對其撒嬌有何評價?詩詠即避談:「琴日先播,未有人話我知反應喎!其實想講港女同台妹唔同,香港女仔間唔中嗲一次,所以要珍惜。」
對於被指32A上圍最能代表香港,詩詠笑認是「香港之光」,指微乳有很多好處:「太大未必着衫好Fashion,我依家好舒服,多謝屋企畀呢個身材我。(你泳衣場戲有啲睇頭喎!)有墊架嘛!」
臉有難色
講到本月3日生日,詩詠表示沒有大肆慶祝,覺得人已長大,加上前輩曾守明離世不久,問洪永城有否送禮物?她即相當尷尬,臉有難色地說:「冇表示,呢啲要問佢,我唔代答。(嗌咗交?)唔係……我唔代答啫!講番劇情啦!」再問拍拖不算久,男友已經沒有送禮物,會否不開心?詩詠欲言又止,只說:「唔好講呢啲啦!最緊要收視好!」令人聯想兩人是否感情生變。
---------------------
東網已全面支援360影片及相片,讓你全方位睇盡新聞大事,恍如置身現場,立即登入東網360網頁: http://on.cc/360/
如仍未更新東網App,請按此連結收睇360影片: https://goo.gl/zjqmqK