伊野尾慧被真劍佑「壁咚」　認心跳加速

日本尊尼男團Hey！Say！JUMP成員伊野尾慧與女星山本美月主演改編自漫畫的新片《蜜桃女孩》本月20日在日本上映，兩人率同片演員永野芽郁及去年被踢爆14歲已有私生女的真劍佑現身戲院造勢。

4位主角即場大玩「壁咚」搞氣氛，不過被「壁咚」的主角不是兩位女主角，而是男主角伊野尾慧，還被山本美月、永野芽郁同真劍佑三連發「壁咚」。事後伊野尾表示，連續三個壁咚令他好有壓迫感，不過最令他心跳不停的唔係兩個女主角，而是高大靚仔的真劍佑，佢話個一刻感受到男性的Power好強，自己好似正在戀愛一樣。在場粉絲聞言嘩然，莫非偶像鍾意同性戀，咁當然唔係真啦！伊野尾只不過開玩笑而已。