名人：博塞利遊山頂變裝冧粉絲

現年28歲被譽為「地表最帥數學教授」的意大利型男博塞利（Pietro Boselli）來港為「大家樂 x Segafredo全新概念餐廳」開幕活動及拍廣告，博塞利留港五天，行程緊密，難得空閒，即時四出遊覽香港名勝，當然少不得到山頂看維港景色。

博塞利約四點到山頂，身穿背心短褲，大騷麒麟臂，步伐急速直上凌霄閣睇維港景色，他不時拿起手機玩自拍、逗留約一小時離開。離開凌霄閣去洗手間，出嚟時突然變咗身，轉咗形象穿西裝，由健碩陽光男變咗斯文靚仔look，期間不時有遊客大讚佢靚仔，更有遊客認得佢，要求集郵，Pietro來者不拒，十分友善同佢哋影相。佢透露首次來港，並於星期四離開，難得有空所以出來觀光，主要想去有特色嘅景點，又大讚維港景色好靚。中午時去了赤柱沙灘，希望有時間可以去睇大佛。

據知，Pietro中午去赤柱遊覽，見到沙灘時更立刻買泳褲，即場游水，Pietro既靚仔又大隻，喺沙灘大晒完美body，吸引唔少人眼望望，期間更有人用手機影偷影佢。