數學教授有機？麥明詩鍾情頭腦發達男人

「十優港姐」麥明詩（Louisa）與「全球最帥數學教授」Pietro Boselli一同出席大家樂活動，Louisa坐着仿照意大利的貢多拉車子，由Pietro Boselli接載出場，二人又一同以咖啡豆砌畫作。

對於被問到與藝人余德丞撻着一杯雪糕兩份食？麥明詩即否認說：「咁出街食飯都會一碟餸一齊食啦，我哋有用公筷公匙，唔會你一啖我一啖咁唔衛生，我咁Fit冇理由食晒成杯雪糕㗎嘛！（話你挨喺佢心口度？）無法啦，係監製要佢質我個頭落佢心口度。（有冇聽到佢心跳加速？）有聽到佢心跳，咁係人都會有心跳㗎啦！（佢係咪成日搞爛gag氹你笑？）咁佢個人都幾幽默，做主持轉數快。（有冇可能發展？）睇唔到有可能，唔係我個type，佢太大隻喇，你知我鍾意嗰啲向來身材都唔係好fit，身材唔需要咁發達，頭腦發達就得！（咁教授得唔得？）咁唔加分都唔會減分，不過等佢嚟香港發展先得，異地戀好難維繫，佢真係嚟香港先詳談啦！」

---------------------

東網已全面支援360影片及相片，讓你全方位睇盡新聞大事，恍如置身現場，立即登入東網360網頁： http://on.cc/360/

如仍未更新東網App，請按此連結收睇360影片：