同唐詩詠情變？洪永城：遲啲先講！

近日傳出情變的藝人洪永城與唐詩詠，繼詩詠於無綫新劇宣傳時，冷淡指沒有收到男友送的生日禮物，洪永城於電視城又以趕入廠為理由不欲多談。而今晚洪永城再度現身電視城為無綫新劇《大帥哥》開工，再被追問與詩詠感情事，不過洪永城卻全程強顏歡笑，他謂：「暫時專注工作，感情事唔回應啦！（同詩詠關係？）唔回應。（情不變？）哈哈！遲啲會有一個好啲嘅答案，所以遲啲先講。（幾時講？）我都未知。」被問到是否冷戰中？洪永城卻靜了幾秒才謂：「呢個問題都係概括感情入面，遲啲先答。（詩詠生日你冇表示？）唔係，送禮物以外嘢，唔一定係物質。（食飯？）類似。（詩詠叫大家問你感情事？）拋個波畀我，遲啲先討論啦！」

談到詩詠演出的新劇《不懂撒嬌的女人》正在熱播，洪永城表示也有捧場，還大讚畫面很美，問到女友表現如何？他謂：「好好睇。（詩詠同王浩信咀戲唔順眼？）唔會，點會，拍劇啫！（詩詠同你撒嬌？）佢對住我唔使啦，內在、內涵已經好好。（受唔受？）有個女仔對我咁當然受，但佢內涵已足夠。」