撞樣撞到啪啪聲！李佳芯低炒激似王君馨

樣靚身材正又有演技嘅藝人李佳芯（Ali），近年備受無綫力捧，劇接劇令知名度急增。最近又要趕拍無綫新劇《誇世代》，可以話係忙過不停！忙同眼瞓可以話係女人嘅天敵，因為會好易殘，但唔少藝人都好似好捱得完全唔怕！而呢日Ali就喺Instagram上載咗一張低炒嘅自拍，仲留言：「低炒就低炒啦～好眼瞓啊～！」講就講話好眼瞓，但睇相完全唔覺佢殘，低炒都零走樣依然係一個美女，仲有網民留言話佢眼瞓都咁靚！不過低炒咗嘅Ali竟然同王君馨撞樣，無論髮型、面型同輪廓都似到不得了，令娛圈又多一對「失散姊妹」，如果有機會合作拍劇可以考慮一下搵佢哋演兩姊妹呀！