飯局唔蒲頭　王浩信爆唐詩詠去咗結婚！

今晚劇集《不懂撒嬌的女人》嘅劇組出嚟飯聚，藝人楊潮凱仲玩fb直播，場面星光熠熠，出席嘅有林文龍、宣萱、高海寧、王浩信、江嘉敏，但就唔見主角之一嘅唐詩詠！咁呢，粉絲就喺直播時不停問佢哋，詩詠在哪兒？點知王浩信口多多，就話詩詠去咗結婚喎，仲叫大家唔好信詩詠同男友洪永城嘅情變傳聞！