藝人黃智雯近日以「Crazy Runner」成員身份出發韓國拍攝節目，短短三日行程走訪兩間星級跳舞學校，跟當地著名排舞師上堂，熟悉舞蹈界事宜的她，更主動上網搵學校，最後選擇專為韓國當紅組合排舞的老師Lia私人授課。

學跳Popping

對於Lia的印象，智雯透露去年於網上看了一條對方的跳舞片，結果被其舞姿深深吸引，及後也有專程飛到當地跟對方上堂。適逢今次節目以跳舞為主題，便主動向公司提出想跟對方一對一上堂，沒料工作繁忙的Lia爽快答應，令其驚喜非常。不過面對名師當前，即使擁有深厚舞蹈底子的智雯，也不禁緊張到面都紅晒，她謂：「諗住佢會教sexy或者女仔啲舞步，點知最後佢教我冇學過嘅Popping，呢種舞步韓國好流行，要喺30分鐘內學晒Steps，仲要教得好快，我要好集中去跟，啲Steps係我平時香港跟老師上嘅三倍，但我唔可以跳得太差，所以每秒鐘都要?到實。」更指Lia特別把音樂調慢一倍半，以遷就她記舞步。

行程緊密

談到今次行程緊密，智雯透露短短幾日行程的運動量，已是平時在香港一個月的運動量，她謂：「朝早9點跑步，下晝一對一學跳舞，夜晚就同其他學員上Public class，雖然好Chur，但就好充實，最開心係Lia訪問時都讚我，話我喺動作細節上要注意，仲話我好專注，喺鏡望到我好似想食咗佢咁，其實我係緊張啫！其實Popping都幾考關節嘅記憶，因為動作太快，只要甩一拍就會跟唔到落去，但開心係今次可以令我Push到自己潛能，突破吓自己。」