連踩10幾日開工!黃宗澤每日瞓得2粒鐘
藝人黃宗澤(Bosco)於沙田馬場為無綫新劇《溏心風暴3》拍攝外景,劇組更邀得汪明荃客串飾演香港首富前妻一角。黑眼圈勁深的Bosco頻頻呻攰,原來他已經連續開工十多天,平均每日只能睡一至兩小時,更笑指被劇組工作人員叫他「黃鐵人」,被問是否由他出面邀請汪明荃客串?他說:「唔係,阿姐有一日拎湯黎探班,咁監製就話不如客串,本來想搵佢做法官,但法官就係廠景,怕開得夜,佢要準備演唱會!」
驚做運動會猝死
將於5月14日拍完戲份的他,5月16日又要開拍邵氏網劇《飛虎極戰》,大呻「好攰」,被問有否為新劇操肌,他直言無時間,但有Keep住肌肉,他笑謂:「大半個月冇做運動,依家仲做我驚會猝死呀,到時A1都上埋。」暫未知新劇要否騷肌到何種程度,不過他笑謂有更衣室,浴室沖涼的戲份,不會為剝而剝。
抽時間撐汪明荃
至於是否很久不見契媽汪明荃?他謂:「一嚟就嗲啦,錫兩啖先,上一次合作都成十年前啦!(湯好補身?)堅呀,好開心佢嚟探班又有靚湯飲!」問到會否抽時間欣賞汪明荃的演唱會?他謂正抽時間,即使自己不去媽媽都會去,會否考慮做嘉賓?他笑謂:「冇諗喎,去伴舞咩,叫飛虎上去囉!(除衫?)邊有咁膚淺!」