陳瀅甩拖Dry爆 主動加戲狂咀張振朗

20170512
東網電視
更多新聞短片
陳瀅同張振朗開頭合作唔熟之餘,直頭覺得對方唔順眼。
陳瀅與張振朗拍攝無綫劇集《全職沒女》初期看對方不順眼,直到「臭味相投」才成功破冰。張振朗又爆陳瀅擅自加咀戲,於劇中狂咀他,陳瀅笑說:「我嗰陣好dry。」
在無綫劇集《全職沒女》中,陳瀅常有色誘張振朗鏡頭,她於劇中像發電廠上身,拉開衫領、濕身、趴地、制服誘惑統統出齊,誓要俘虜張振朗!不過,兩人雖然飾演一對,但於剛開始拍攝時竟算是互不咬弦。陳瀅指拍攝這些誘惑戲沒有難度,最難處理是兩人的感情戲。
生疏影響拍攝
陳瀅坦言當時受感情問題影響,想一個人靜一靜,所以不斷迴避張振朗:「我哋初時唔熟,大家都唔係好鍾意大家,我哋都比較慢熱,唔會主動溝通。」張振朗說:「因為有場戲,大家太生疏做得好差,但咁落去唔掂,於是厚住面皮同佢傾偈,打開佢心扉。我純粹為咗套劇,平時我都唔講嘢。」
「臭味相投」成好友
後來陳瀅與張振朗因為「臭味相投」成為好友,陳瀅笑說:「直到有一日我哋通完頂,大家都好辛苦,成身臭汗,大家互相鼓勵就開始變friend。我嗰陣因為感情問題唔開心,有少少影響到工作,佢幫到我投入番角色,同佢傾偈感覺到佢好鍾意演戲,令我覺得機會唔係必然,有機會要珍惜。」張振朗更爆陳瀅在尾段自行加插咀戲:「臨尾講我唔開心,佢氹番我,佢自己加咀戲狂咀我囉,咀咗三十幾下㗎!」陳瀅笑言是因為自己太dry:「因為發覺全套劇都冇乜錫過,去到尾要有一個突破點。同埋我嗰陣好dry,我咁講你係咪開心啲,哈哈!」
陳瀅服裝:MARYLING
化妝:Vinci Tsang
髮型:Larry Ho@IL Colpo
鞋:House of Avenues