黃長興向阿爸請教潮州話：拍劇都孝順咗

藝人黃長興與袁偉豪、唐詩詠到電視城出席新劇《棟仁的時光》造型及拜神儀式，長興表示跟袁偉豪相識十幾年，終於有機會合作，非常開心：「以前成日一齊gym，喺canteen見到大家，終於合作！我好戥佢開心上到呢個位（做男主角），我都會專注多啲拍劇，餐廳交番畀partner搞。（即係你退咗股？）唔係咁嘅意思，我有繼續搞，不過多咗人幫手，我可以花多啲時間拍戲。」

劇中黃長興要講很多潮州話，本身是潮州人的他一直識聽唔識講，近期要積極練習，他說：「呢排都同阿爸傾多咗偈，因為要請教佢潮州話，人都孝順咗。」