過吓二人世界先　陳明恩未諗生B

藝人陳明恩現身母親節步行籌款活動，透露明日母親節將與母親及奶奶一同慶祝，新婚的她被問到何時加入母親行列？她笑謂：「未努力，想二人世界一段時間先，想自己工作上再努力多啲，過兩年先計劃。（雙方家長冇摧？）冇，媽咪本身都有孫抱，奶奶就心急啲，但都會畀時間我嘅。」

跟奶奶學煮餸

未成人妻時甚少下廚的她，表示現正學習如何炮製美味餸菜，大讚奶奶廚藝了得，平日僅花幾個鐘便煮出十幾道美味菜式，問到有否向奶奶取經？她謂：「有，佢都會send好多菜單畀我，教我好多嘢，除咗學煮飯，我都學緊國語，因為我普通話太普通。」