被拍檔投訴唔跟稿 杜汶澤寸爆反擊

2017年05月13日 16:06
東網電視
更多新聞短片
杜汶澤被兩位拍檔主持盧頌恩同鄺芷凡投訴唔跟稿。

由藝人杜汶澤(阿澤)主持的奇妙電視節目《杜汶澤食住上》日前煞科,阿澤笑言要開始還人情債:「好似薛凱琪(阿Fi),之前我幫佢影海報,影完佢問我收幾錢,我話『講呢啲咩我哋?』轉個頭我即刻請咗佢嚟做嘉賓!」阿澤又模仿阿Fi語氣笑道:「Oh My God,我都知你冇咁好人㗎啦!」

碌盡人情卡

阿澤為節目碌盡人情卡請來林海峰和鄧麗欣等好友亮相節目,被問到哪位嘉賓最難控制?阿澤想一想之後笑說:「都應該係我㗎啦,我出名麻煩呀嘛,睇報道都知啦!」一旁的盧頌恩和鄺芷凡聞言踢爆阿澤幾乎從不跟稿說:「佢日日都喺度玩爆肚!」對於兩位拍檔的「投訴」,阿澤即寸爆謂:「喺我搞笑生涯中,最幸運是遇着你兩位,試問人世間仲邊有可能搵到兩個同自己差咁遠嘅人呀?先唔講智商,智商就梗係我最低啦,但飲食知識,佢兩個貧乏到呢!」阿澤比喻說:「如果我係萬宜水庫,佢兩個就係撒哈拉沙漠!」