爆黎明走音後有陰影　雷頌德睇番好搞笑

藝人雷頌德出席2017全港小模特Catwalk大賽&全港兒童3D立體藝術創新大賽頒獎典禮任評判，表示活動結束後會跟老婆吃晚飯，問到有否兩手準備給予老婆驚喜？他笑言：「冇喇，呢啲畀啲細路搞，同埋我哋好少話會大時大節為自己慶祝。（仔仔送咩畀媽咪？）撩咗啲卡畀佢。」

與Mark合作無間的黎明有新廣告出街，問到他有否觀看：「有呀，我覺得好正，但唔知原來有林夕份。（有冇重提以前走音單嘢？）都有，啫係特登start高個Key，reference番以前啲位，重做走音嗰Part，咁多年睇番都咁好笑。(覺得佢嗰時有冇陰影？）有，但依家睇番其實唔係咁大不了，同埋嗰時未有Youtube，冇得咁易睇番。同埋都真係幾搞笑，自己做番件事出嚟，?班觀眾開心。（有冇唔敢唱？）冇，但佢緊張耳仔，因為有時音樂太大聲會搞到唱唔到，所以要聽個Monitor。」