舒淇開甫講BB　網民齊留言恭賀有喜

舒淇自從上年公開咗同馮德倫結婚之後，佢嘅粉絲都好希望佢哋兩位可以快啲有愛情結晶品，雖然不時都會傳出有喜嘅消息，不過傳聞始終都係傳聞並唔係真。尋日舒淇就出咗個甫，借BB嘅出世等瑣碎事嚟讚揚母愛嘅偉大，原本應該係好溫馨嘅一件事，點知佢啲粉絲可能太心急，一見到心中女神開口講BB，就以為舒淇係趁母親節公開喜訊，仲留言恭喜舒淇下年就可以做母親節嘅主角。