搵番自己！鍾嘉欣四連環自拍唔預囡囡

依家做咗媽媽嘅鍾嘉欣，每逢喺社交網站更新近況，都係上載同愛女Kelly嘅相，不過今次鍾嘉欣終於都唔係同囡囡合照，而係上載個人自拍照！咁耐冇自拍，梗係一次過影番夠本，影夠四張畀大家睇！見嘉欣自拍功力仍然都係冇減到，單眼甜笑扮cool樣樣齊，一次過滿足晒大家咁多個願望，佢喺社交網站留言：「太久没自拍！」唔少網友都大讚嘉欣雖然做咗媽媽，但仍然充滿少女味，仲有唔少網友問佢幾時返嚟香港，話好掛住佢！