老屈林文龍畀人鬧　高海寧嗌勁開心

藝人高海寧（高Ling）、唐詩詠及王浩信等於寶琳，宣傳無綫劇集《不懂撒嬌的女人》。大晒香肩的高Ling笑言近日因劇情講述她出言陷害林文龍而捱鬧，但直言感到開心：「連續幾晚畀人鬧，網上評論又狂鬧，反應好好。（有難聽說話？）話我好衰，我好開心！（行出街都捱鬧？）唔會啩，觀眾好理智。」

談到高Ling日前一幕泳裝戲水戲而引來熱話，她笑言該劇稍後再冇落水戲，反而有幕挑逗林文龍的戲份，更搞笑自爆要撩對方充滿胸毛的心口：「挑逗反而唔係尷尬，我肢體語言好硬，拍兩take都唔得。導演要我攬文龍時從心去感受。（你平時點攬男朋友？）我可能粗魯啲，就咁攬埋去。但今次要用手指撩佢心口。（佢心口好多毛？）隔住衫撩，唔知呀！」

----------------------------------------------

東網已全面支援360影片及相片，讓你全方位睇盡新聞大事，恍如置身現場，立即登入東網360網頁： http://on.cc/360/

如仍未更新東網App，請按此連結收睇360影片： https://goo.gl/jVnSiQ