爆《撒嬌》結局Sad 王浩信睇到淚崩

20170515
東網電視
更多新聞短片
詩詠結婚嘅消息……王浩信真係靠估?
藝人王浩信、唐詩詠及高海寧等於寶琳宣傳無綫劇集《不懂撒嬌的女人》,同場的李天縱亦性感晒線亮相。談到浩信近日被觀眾封為「暖男」,他直言要歸功於編劇寫出浪漫感情線,亦多謝觀眾的支持及交流。浩信於劇中不乏晒body鏡頭,問他是否為此狂操身形?他笑言拍劇不斷要「剝衫」:「不斷keep住除衫,由《EU超時任務》裸跑到依家冇停過,呢幾個月食得好清,白烚雞肉呢啲精緻美食。」
謙稱唔係暖男
談到太太陳自瑤讚他是100分暖男,他笑說:「多謝,我平時冇咁暖,角色實在太暖。我唔夠100分,唔夠時間陪家人,我比起Saving(角色名)就打折扣。」浩信預告稍後的劇情相當催淚,自己睇結局時亦淚崩:「故事會整喊觀眾,我睇結局睇咗一分鐘就眼淚跌出嚟。(happy ending?)驚太sad。(有信心冧莊攞「螢幕情侶」獎?)有信心!(你爆詩詠結婚?)見佢陰滋滋咁笑,我估㗎咋,我估錯就多多包涵,唔好怪我。(見詩詠呢排好開心?)好開心,佢最開心係呢個階段,詩詠不嬲好戲,證明到好多嘢畀觀眾。」
收視成績不俗
此外,無綫副總經理(節目及製作)杜之克先生於台上公布《不》由首播至今,共13日的累積點擊總數超過450萬。他相信屆時大結局,共28集的累積點擊總數勢必超過1000萬。