劉松仁拍社會公益題材電影：片酬冇計

藝人劉松仁到九龍站出席活動，出名侍母至孝的他被問母親節會否加倍思念亡母？他說：「其實呢個地方我同媽咪以前都成日嚟睇戲，呢度啲員工熟晒！估唔到今日又嚟番呢度，都幾有緣分！」

提到近況，他說：「近來多咗返聖堂幫手。（係伯母以前吩咐落？）唔係，咁我始終都喺聖堂出嚟，同聖堂裏面嘅人都熟嘅，以前都做好多幫公公婆婆、貧苦大眾嘅慈善工作，所以我後來拍啲同社會公益題材有關嘅電影、電視劇，會覺得特別有意義、有印象，如果有呢類型嘅劇本搵我，片酬嗰啲我都冇去計，希望可以帶到訊息畀年輕人。」