高Ling成功擊走林文龍　宣萱共同進退！

藝人林文龍與宣萱在無綫劇集《不懂撒嬌的女人》內愛得癡纏，不過愛情得意的Gordon（林文龍角色）卻遇上事業低潮！原本出於同情心去安慰田蜜（高海寧飾）的他，竟然遭對方召開記者會誣告性騷擾，辦公室政治一觸即發，而當Gordon被公司勸籲自動請辭之際，田蜜以勝利者姿態，穿上藍色性感打扮步入Gordon辦公室，且主動從後緊抱Gordon，「質疑」自己後生樣靚身材正，為何Gordon選擇Mall姐（宣萱飾）而不揀她，想不到Gordon正氣回道：「一個女仔就算點靚，心理唔好我都唔會揀！」一襲貼身短裙打扮的高海寧曲線玲瓏，相當吸睛，隨即成為網民熱話！

劇情緊接交代大老闆游生決定將Mall姐升上CEO位置，不過戀愛大過天的她寧願與男友Gordon共同進退，主動提出呈辭，Mall姐更向Gordon謂：「係你叫我管住你嘅，我唔辭職點睇住你！」冇工返的二人躲在家中整麵包，Sweet爆又攬又錫，有情真係可以飲水飽呀！