曉明跳長城　楊穎布拉格有樣學樣

內地藝人黃曉明早前與好友章子怡、李雲迪和陳學冬，去咗北京旅行仲登上長城躍起拍照，真係有氣勢。身為曉明太太嘅Angelababy（楊穎）不讓老公專美，同一班《奔跑吧》節目嘅隊員鄧超、陳赫、鹿晗、李晨等去咗捷克布拉格開工拍攝。

忙裏偷閒有咩做？咪自娛一番囉！既然黃曉明佢哋去跳長城，Angelababy就同一班藝人有樣學樣同一齊跳。鄧超就將相片上載到社交網，見佢地真係好齊心一齊跳起，真係好搞笑。雖然其他成員熱巴、鄭愷同王祖藍唔喺現場，但係鄧超就好友心畫卡通加插佢哋落去，真係好團結呀。