羅頌欣做舞台劇一次過挑戰演技加唱功

藝人羅頌欣近日為TVB拍攝電視劇《宮心計2深宮計》，同時亦要為舞台劇排練，非常忙碌，她說：「雖然係第二次做舞台劇，但呢次結合音樂和歌手，難度增加，心情好緊張！今次劇中角色係悲情女友，經歷十年嘅等待，內心糾結萬分，兩個目標不一致嘅人，緃使相愛最後也難以到達同一目的地。心酸嘅感覺久久留在心裏，連平日心情都受影響。」今次除咗要挑戰演技，亦都要挑戰唱功，唔係歌手出身嘅羅頌欣開頭都話有好大壓力，不過排練嘅時候好多台前幕後都讚佢唱得好，令羅頌欣相當開心。