雷頌德幫蘇康整大碟：佢用嚟送畀個仔

音樂人雷頌德（Mark）到佐敦錄影ViuTV節目《約咗傅家俊》，他說：「今日我哋打美式桌球，傅家俊用左手讓我，我都輸畀佢。（有冇試過同黎明打桌球？）以前有試過同佢打，都會賭吓波，幾百蚊上落，我唔會賭得大，幾千蚊我覺得好肉痛，我同佢互有輸贏。（佢會一邊打桌球一邊講金句？）咁又唔會，佢打波嗰陣好認真！」

提到近日黎明在廣告中以當年走音一事自嘲，Mark說：「都幾好玩，佢都拍得幾開心。（佢係咪有拖拍，所以心情靚？）唔知喎，可能佢有新戲上，有作品推出，開心啩！（你最近有咩音樂上嘅工作？）我幫緊蘇永康整緊隻碟，佢係打算將隻碟送畀個仔，佢好畀心機去整。」