藝人陳凱琳（Grace）出席台灣旅遊節活動，透露當年報名參選港姐後，父母為免她緊張，曾帶她到台灣散心，笑指過程間讓她忐忑不安，擔心錯過了大會來電通知，幸而返港後個多星期終接到通知，故認為台灣也很旺她。

對於男友鄭嘉穎也於當地走紅，Grace表示也知情，更謂：「都想搵次同佢返去，有啲回憶嘛！（第時去台灣結婚？）都可以考慮，佢喺當地住過一段時間，會熟悉啲，可以帶我周圍食嘢。」談到嘉穎正忙於內地巡迴演出，Grace指男友要於8月中才結束，故她於下月中的生日，嘉穎也不會在港，她謂：「可能之前慶祝啦！去台灣囉！三日兩夜已經好夠，就咁話啦！」

至於無綫主席陳國強於挪威發生直升機失事墮海，Grace表示不知情，問到會否問候對方？她謂：「我諗呢啲我唔係好了解，唔好牽涉太多，相信公司都會好多人問候佢同佢溝通。」Grace自言也曾於韓國公幹時大頭蝦遺留護照於店舖，無奈她於機場才發現，最終要轉坐零晨機。