自爆放棄嫁入豪門！宣萱唔驚被叫剩女

最近因為無綫劇《不懂撒嬌的女人》而再度熱爆的宣萱接受電台訪問，談到93年拍劇時邂逅張衞健，雖然兩人兩年後和平分手，但事隔多年同樣相繼回巢拍劇，宣萱表示樂意跟對方再合作，更笑言：「冇尷尬都冇問題，我OK！因為佢係個好勤力嘅演員，我好欣賞佢。當年我哋拍拖嗰時，喺佢身上吸收咗好多好嘢，例如佢嘅工作態度。佢又會同我分享當年工作上捱苦嘅事，等我學到點做一個好演員。」

為事業唔做全職媽媽

至於談到當年與舊愛拍拖六年，但可惜兩人最終分手收場，被問到感情還是事業重要，她坦言曾因事業而放棄一個嫁入豪門的機會，並謂：「30幾歲嗰時，曾經有過結婚嘅機會，當時男朋友向我提出結婚，但對方講明唔可以繼續做依行，要生仔全職做媽媽，當時我完全未ready。」

唔怕被叫「剩女」

另外，宣萱近年先後與兩名外籍人士拍拖，但最終都因性格不合而分開，她直言暫時還尋覓中，自己亦不會為結婚而結婚，更笑言不怕被稱為「剩女」：「最緊要係自己開心，如果對方唔係啱嗰個，就算其他人唔叫你剩女，自己都唔會開心。」問到可會想生小朋友，她指現時需要的是個合適的伴侶，亦不會考慮生小朋友。