【我愛你苟苟】陸漢洋隔空向苟芸慧示愛

娛圈「處女黨」成員先後報喜，成員之一嘅王君馨（Grace）爆乳婚照亦都曝光，大日子將近！而最後一員苟芸慧（苟姑娘）都唔輸蝕，與男友陸漢洋感情生活相當精彩！二人一直貫徹低調，但陸漢洋就突然一反常態，喺尋日嘅「520告白日」於社交網站大放閃光彈，留下一句：「52099」！

大家都知道520即係「我愛你」啦，咁「99」係代表乜？咪就係「苟苟」囉！「我愛你苟苟」咁sweet，真係閃到令人眼都擘唔大，而陸漢洋突然示愛都引來唔少揣測，莫非「處女黨」最後一員嘅苟芸慧亦即將加入人妻行列？

而兩人都有接受東網訪問，陸漢洋豪無避忌大方承認示愛，佢話：「係呀，我係示愛！」而Sweet到爆嘅「苟苟」都忍唔住話：「我睇到，好Sweet呀！」真係隔住個Mon再隔住張圖都Feel到佢哋有幾咁甜蜜喇！