Cheronna@SG開騷　得Jessica嚟支持？

樂壇女子組合Super Girls（SG）的Cheronna（吳嘉熙）剛剛完成一連三日舞台劇《炫舞場2.0》，據知這舞台劇將會深圳、新加坡演出，之前整個月每天密集式地與一班演員及舞蹈員排練，對於今次只係香港演出三場，Cheronna說：「覺得過得好快，好唔捨得，不過都好開心好多朋友有嚟睇，好似劉兆銘老師、C AllStar嘅On仔同釗峰都有到場支持。」

當Cheronna在現場見到拍檔Jessica即忍不住喊出來，問Cheronna點解得Jessica嚟？Cheronna感觸地說：「本來我叫佢哋嚟講到口都乾佢哋都唔覆我，原來呢一個係公司畀我嘅驚喜，四個都會到，不過最後因Aka有工作在身，Heidi唔舒服，Yanny大頭蝦搞錯係晚上，所以只有Jessica到場，我會叫Yanny請食飯，哈哈！」