王菀之自爆瞓地嗲老公慘被無視

歌手王菀之（Ivana）為新專輯舉行相展，她表示與老公Eric So、今次負責的攝影師和相展的策劃人經常四人行去旅行，剛好她的新碟是紀錄過去三年的音樂經歷，而她與攝影師亦相識多年，合作無間，對方更為她拍下很多照片，所以便舉行了這次相展。Ivana又謂由於場地空間有限，這次只展出少部分的相。問到可會因四人行而一直未能造人成功？她尷尬說：「唔關事嘅，我唔識答呢啲，冇呀，冇影響任何嘢。」又笑謂發現原來自己過去三年都有朋友相伴，不是過時過節才會見面。

泰國甜蜜旅行

而Ivana與老公早前亦去了泰國旅行，她透露這次是過二人世界。講到她在社交網站上放了在當地坐「Tuk Tuk」車的自拍短片，網民讚她的撒嬌功力厲害，她說：「我好少放呢啲，因為覺得好得意先放，冇諗撒嬌個部分，返到嚟先知有咁多人睇。」問到私下是否亦會撒嬌？她坦言：「係，曝咗光，同我工作嘅mode係有啲唔同。（好使得？）一時時啦，我唔係成日咁嘅。（講疊字？）呢個真係唔得。」問到撒嬌最成功的例子是甚麼？她指有次老公要去睇醫生，她想跟埋去，但被老公阻止：「佢係為我好嘅，唔想我陪佢去，我就瞓喺地喊，佢冇理我，仲跨過我行出去，我喊到攰都停，之後佢返嚟大家都好似冇事發生過咁，第二日佢都畀我陪佢去睇醫生。（你成日用喊呢招？）喊得一次咋，有時我會想用煮嘢食，但唔成功。」