陳德森籌建老人院 演藝界鼎力支持

20170523
東網電視
更多新聞短片
陳德森除咗拍戲外,做善事更不甘後人,呼籲籌建老人院的消息公布後,演藝界鼎力支持。
導演陳德森多年來為照顧獨居老人不斷出錢出力,十年來,他一直有個心願,便是成立一座慈善安老院照顧有需要的獨居長者,老有所依,實在難得!但多年來籌得的千多萬元善款始終未能跑贏樓市通脹,為了盡快興建安老院,他與多位藝人、兩間慈善團體及十位善心籌委決定在六月二日舉行一個百席大型慈善晚宴。
中、港、台藝人一呼百應,曾志偉、成龍、郭富城、黎明、劉嘉玲、謝霆鋒、陳奕迅、蘇永康、張達明、惠英紅、林家棟、金燕鈴、陳栢宇、肥媽、許冠文、內地藝人鄧超夫婦、周迅、胡軍、包貝爾、台灣藝人王大煒等數十位藝人以及內地多間大型電影公司立即舉腳支持,而捐款名單還一直增加當中,未能盡錄,未計晚宴當晚的捐款,現已籌得數百萬元,成績令人鼓舞!
廿個床位留畀演藝界
今次活動發起人之一陳德森正身在康城,他接受訪問時坦言很感激各善長仁翁支持,現最希望各大地產商若有適合的地方可以「優惠價」讓他們促成興建計劃就更加之好,他謂:「因為我哋籌咗咁多年都唔追唔到個樓市,依家只能夠有一所為獨居長者而設嘅服務中心,畀啲老人家去學嘢、去休息,但其實唔少獨居老人係需要一個家,我哋好希望搞到一間可以畀到老人家溫暖嘅屋企,除咗按照法例聘請受薪員工外,仲有一個有百多位義工團隊,可以一對一咁照顧呢八十個老人家,而呢八十個床位,有廿個留畀演藝界,有好多演藝界嘅老前輩一生奉獻畀演藝界,老咗可能種種原因無所依,我哋好想幫到佢哋。」
慈善晚宴原本筵開八十席,但由於善長太多,所以增至一百席,不少今年於金像獎奪獎的藝人已報名當晚幫手,一班紅星亦已拍片支持,實行出錢又出力,對於演藝界如此踴躍,陳德森表示:「好多謝佢哋,但某程度上今次只係一個序幕,希望未來除咗我哋業界外亦會有更多有能力嘅社會人士一同發心為弱勢社群作出更多供獻,感恩大家!」