相信無綫安排！岑麗香將赴葡萄牙拍外景

藝人岑麗香在銅鑼灣出席活動。身穿紅色Cocktail Dress的她對於天文台一度發出黑色暴雨警告而擔心，會因天氣關係而遲到：「其實溫哥華人都習慣落雨，佢哋冇分黑雨、紅雨。」又表示經常在雨中拍戲，並指戴眼鏡的同事經常要抹掉鏡片上的水珠。問有否淋濕，她即謂：「幾滴啦，唔緊要！」

問老公強強有否送她前來，香香即表示他因工作身在加拿大：「未結婚之前都係咁啦，我自己識返工嘅！」她又透露老公會留在當地幾星期：「我哋都係唔講強強喇，講得太多！」

提到香香最近為無綫趕拍重頭劇《溏心風暴3》，她表示七月會拍畢，期間會到葡萄牙拍九日外景，希望趁機吃喝玩樂。問最近歐洲恐襲頻生可會否擔心？她即謂：「公司做足研究先畀我哋去！」又謂拍攝《華麗轉身》時，劇組曾打算到越南取景，但衡量過當地情況，最後決定轉往台灣。