麥洪設靈　麥潔文流淚感激江華照顧父親

歌手麥潔文（Kitman）父親麥洪5月初因病離世，享年93歲，其家人今日為他在紅磡世界殯儀館設靈，喪禮以基督教儀式進行。身穿黑色套裝的Kitman在老公江華陪伴下受訪，她指爸爸是老人家多病，因急性肺炎離世，走得安祥，算是笑喪。問到有否見到最後一面？她表示醫生在凌晨一時通知她父親將於半小時後離世，但她與家人在45分鐘後才到達：「我喺佢身邊叫佢，當時部機跳咗一下，本來係0，佢應該知我哋嚟咗。」

感激老公接載爸爸

問到江華與外父的關係，這時Kitman開始流淚，江華就一直掃她手背安撫她。她指老公之前有幫手接載爸爸到醫院，很感激老公。她邊抹眼淚邊坦言難忘以前拖父親的手去覆診，與及帶對方到大酒店吃飯。至於爸爸有甚麼未做？她指她和妹妹搬了屋，但爸爸未到過她們的新居。

江華尊敬外父

問及對爸爸的印象，她就說對方以前身形「好大件」，而江華就認為外父喜歡自己：「佢好廉潔，係政府公務員，未有ICAC就做緊，當時住宿舍，後來走咗大半人。佢講好多故事我聽，係好好嘅教導，我好尊敬佢。」Kitman指爸爸的同事亦很尊敬他，自己亦對爸爸充滿敬意：「冇鬧過佢，粗聲大氣都冇。細個畀佢罰過跪祖先，佢係嚴父，但我哋大咗成家立室，就好似朋友咁。」

爸爸唔想畀後生麻煩

Kitman透露畫了一幅《父親的寶座》給爸爸以示敬意，但不方便帶來，打算放上facebook。問到子女有甚麼話想對公公說，她就稱在心裏：「四代同堂，子孫滿堂。佢身體好壯健，近年先需要柺杖，佢冇假牙，照顧得身體好好，唔畀後生麻煩。」而藝人鄭世豪及嘉駿亦有到場致祭。